Ang Holocaust 5e3a4u

Ang Holocaust ay isang pangkalahatang tawag sa paglalarawan ng kaparaanang pagpaslang sa mahigit-kumulang anim na milyong Europeong Hudyo noong kapanahunan ng Ikalawang Digmaang Pandaigdig, bílang bahagi ng paluntunan na binalak at tinupad ng pamumunong Nazi sa Alemanya, na pinamumunuan noon ni Adolf Hitler. Pinagmulan ng salitang holocaust ang malawakang sunog; malaganap na pagkasalanta o pagkawasak, sakuna, o alay na sinusunog. Ang isa sa pinakasentral at pinakakontrobersiyal na ideolohiya ni Hitler na kaniyang tinatawag at ng kaniyang mga tagasunod na "kalinisan ng lahi" (racial hygiene). Ang mga patakarang mabuting lahi (eugenic) ni Hitler ay sa simula ay tumututok lámang sa mga batang may pisikal at pag-unlad (developmental) na kapansanan sa programang tinawag na Action T4. Ang ideya ni Hitler ng Lebenstraum na tinaguyod sa Mein Kampf ay nakatutok sa pagkakamit ng mga bagong lupain na matitirhan ng mga Aleman sa Silangang Europa. Ang Generalplan Ost ("General Plan for the East") o Pangkalahatang Balak para sa Silangan ay tumatawag sa populasyon ng mga nasakop na Silangang Europa at Kaisahang Soviet na ipatapon sa Kanlurang Siberia, gawing alipin, o ipapatay. Ang mga nasakop na teritoryo ay pupunuin ng mga Aleman o mga naging Alemang titira. Ayon sa Amerikanong mananaysay na si Timothy D. Snyder: Ang Holocaust (ang "Endlösung der jüdischen Frage" o "Pinal na Solusyon ng Katanungang Hudyo") ay pinangasiwaan at isinagawa ni Heinrich Himmler at Reinhard Heydrich. Ang mga tala ng kumperensiyang Wannsee na naganap noong 20 Enero 1942 at pinamunuan ni Reinhard Heydrich kasama ang labinlimang senyor na opisyal ng Nazi(kabilang si Adolf Eichmann) na lumahok dito ay nagbigay ng maliwanag na ebidensiya ng sistematikong pagpaplano ng Holocaust. Noong Pebrero 22, si Hitler ay muling naitalang nagsabi sa kaniyang mga kasamang "muli nating mababawi ang ating kalusugan sa pagubos ng mga Hudyo".

Kolonyalismo Ang kolonyalismo ay ang tuwirang pananakop ng isang bansa sa iba pa upang mapagsamantalahan ang yaman nito o makuha rito ang iba pang pangangailangan ng mangongolonya. Ang kolonyalismo ay madalas na naihahalintulad sa Imperyalismo ngunit ang dalawa ay mayroong pagkakaiba."Maaaring magsilbing baseng pangkalakal o pangmilitar ang kolonya".Mayroon din itong gamit sa paglalakbay ng mga tao sa ating bayan.

Imperyalismo

Mga teritoryong bahagi pa o dating naging bahagi ng Imperyo ng Britanya.

Ang Imperyalismo ay isang batas o paraan ng pamamahala kung saan ang malalaki o makapangyarihang mga bansa ang naghahangad upang palawakin ang kanilang kapangyarihan sa pamamagitan ng pagsakop o paglulunsad ng mga pagtaban o kontrol na pangkabuhayan at pampolitika sa ibabaw ng ibang mga bansa. Ilang malalaki o malalakas na mga bansang kumukontrol sa ibang mga rehiyon upang makalikha ng isang mas malaking imperyo. Isang halimbawa ng imperyalismo ay ang kung kailang nilulusob at sinasakop ng mga bansa o naninirahan sa mga lupain sa pamamagitan ng pagtatatag ng mga kolonya.

Nasyonalismo ay isang kataga na tumutukoy sa isang doktrina o kilusang pampolitika na pinanghahawakan na may karapatan ang isang bansa—kadalasang binibigyan kahulugan sa etnisidad o kultura-na magbuo ng isang malaya o awtonomong pamayanang pampolitika na nakabatay sa isang magkakatulad na kasaysayan at karaniwang patutunguhan. Ito rin ang ideyolohiyang pampolitika at sentimyento o damdamin bumubugkos sa isang tao sa iba pang mga taong may pagkakapareho sa kanyang wika, kultura o kalinangan, at mga kaugalian o tradisyon. Bagaman nakapagpapasigla o nakapagpapanimula ito ng demokratikong pampolitika na pagbabago at repormang pangkabuhayan o pang-ekonomiya, kadalasang kinalalabasan o nagreresulta ito ng labis na katapatan sa isang estado na may tendensiyang maliitin ang isa pang nasyon, kaya't maaaring maging obstakulo o balakid sa pandaigdigang kapayapaan at kooperasyon o pagkakaisa.

Suttee ay boluntaryong pagsunog ng isang babaeng balo o babaeng namatayan na ng asawa sa kanyang sarili bilang pagpapakita ng pagmamahal at katapatan sa kanyang namayapang asawa

Non Violent Means A general term referring to 'quiet' means of suicide completion, including carbon mon oxide, drug overdose or poisoning, asopposed to violent means, including shooting, hanging, or falling from heights

Civil disobedience

Si Mohandas Karamchand Gandhi, isang taong kilala sa buong mundo sa kanyang pagpapalaganap ng sibil na pagsuway nang walang karahasan.

Ang sibil na pagsuway (Ingles:Civil disobedience) ay ang aktibong pagtanggi sa pagsunod sa ilang mga batas, kagustuhan at mga utos ng pamahalaan o ng sumasakop na pandaigdigang kapangyarihan sa paggamit ng walang karahasan. Ito ang isa sa mga pangunahing pagsuway sa na walang karahasan.

Zionism

ay isang simpleng kilusang pulitikal noong una itong itatag, na naging mas tulad sa isang ideolohiya. Ang Zionism ay isang internasyonal na kilusan para sa pagbabalik ng mga Hudyo, ang mga hinirang ng Zion sa lupain ng Israel, habang sinasanay ang karapatan na panatilihin ang awtoridad ng pamamahala sa estado ng Israel na ipinangako sa kanila ng Diyos sa Kasulatang Hebreo. Ang ugat ng Zionism ay ang Genesis kabanata 12 at 15, kung saan gumawa ng tipan ang Diyos kay Abraham at ipinangako sa kanya na mamanahin nila ang lupain sa pagitan ng Egipto at ng ilog Eufrates. Dahil ang Zionism ay nagumpisa bilang isang kilusang pulitikal, may isang kaisapan na namamayani sa mga sekular na Hentil at mga hindi relihiyosong Hudyo na walang kinalaman ang relihiyon ng mga Hudyo sa Zionism. Pinagtatalunan kung ang Zionism ba ay isang reaksyon ng mga Hudyo sa pandaigdigang paguusig sa kanila noong Una at Ikalawang digmaang pandaigdig. Walang bansa ang nagnais na umampon sa kanila noon kaya’t napwersa silang gumawa ng kanilang sariling bansa, sa lupain ng kanilang mga ninuno na siyang perpektong lugar para sa kanila. Nagkaroon ng katuparan ang simulain ng Kilusang Zionism na nagumpisa noong huling bahagi ng 1890, noong 1948 ng opisyal na kinilala ang estado ng Israel at pinagkalooban sila ng kapamahalaan ng Nagkakaisang Bansa bilang isang bansa sa lugar ng Palestina. Ito ang panahon kung kailan nagtapos ang Zionism bilang isang kilusang pampulitika at nagumpisa naman bilang isang ideolohiya. Dahil dito, naging paksa ito ng mga debate. May mga nagsasabi na ang Zionism ay naging motibo para sa rasismo o reaksyon laban sa paglaban sa mga Israelita. Naniniwala naman ang iba na ang kasalukuyang Zionism ay ang pagiging makabayan ng mga Hudyo. May kaugnayan sa Zionism ng mga Hudyo ang Kristiyanong Zionism. Ang Kristiyanong Zionism ay isang simpleng pagpapakita ng a ng mga Hentil sa Zionism ng mga Hudyo at nakabase sa mga pangako ng Diyos sa Israel na matatagpuan sa Bibliya gaya ng Jeremias 32 at Ezekiel 34. Ang mga Kristiyanong Zionists ay mga Ebangheliko sa pangkalahatan at sumua sa Estado ng Israel sa lahat ng posibleng paraan. Ang pagbabalik ng mga Hudyo sa lupang pangako ay ang katuparan ng hula at tinitingnan ng mga dispensationalists bilang isang tanda ng pagpasok ng mundo sa mga huling araw.

Digmaang Pandaigdig

Ang Unang Digmaang Pandaigdig (Ingles: World War I o pinaikling WWI) ay isang pandaigdigang digmaang naganap mula 1914 hanggang 1918 na kinasangkutan ng mga makapangyarihang bansa sa mundo na noon ay napapangkat sa dalawang magkalabang alyansa: ang Alyadong Puwersa (batay sa Tatluhang Kasunduan ng Imperyong Briton, Imperyong Ruso at Pransiya) at Puwersang Sentral (mula naman sa Tatluhang Alyansa ng Imperyong Aleman, Austriya-Unggarya at Italya). Ang digmaan ang isa sa mga pinakamapinsalang digmaan sa kasaysayan. Ang pagpaslang kay Archduke Franz Ferdinand ng isang makabayang Serbiyo na nagngangalang Gavrilo Princip noong 28 Hunyo 1914 ang itinuturing na siyang pinakasanhi ng pagsisimula ng digmaan. Nagsimula ito noong ika-27 ng Hulyo 1914 nang magpahayag ng pakikidigma ang Austriya-Unggarya laban sa Serbiya na siya namang nagbunsod sa dalawang magkalabang alyansang nabanggit, kasáma na maging ang kani-kanilang kolonya, na makibáka sa isa't isa. Makalipas ang ilan pang linggo, ang digmaan ay tuluyan nang lumaganap sa buong mundo. Matapos makapagpahayag ng pakikidigma ay kagyat na sinalakay ng AustriyaUnggarya ang Serbiya. Sinundan ito ng pananakop ng Imperyong Aleman sa Belhika, Luksemburgo at hilagang Pransiya, at ng bigong pananalakay ng Imperyong Ruso sa silangang Alemanya. Buhat naman nang mapipilan ng sandatahang Briton-Pranses ang pag-abante ng sandatahang Aleman patungong Paris ay nauwi na sa pakikidigmang pambambang ang mga sagupaan doon na siya naman nagdulot upang halos hindi na umusad ang magkabilang panig. Nang mga sumunod na taon ay nakisangkot na rin sa digmaan ang Imperyong Otomano, Italya, Bulgarya, Rumanya, Gresya at iba pa samantalang bumagsak ang monarkiya sa Rusya matapos ang Himagsikang

Ruso noong 1917 na nagbigay daan upang kumawala ang mga Ruso sa digmaan at maglunsad ng sunod-sunod na opensiba ang mga Aleman sa kanlurang Europa hanggang sa pumasok ang Estados Unidos sa digmaan. Sumuko ang Imperyong Aleman at mga kaalyado pagsapit nang 11 Nobyembre 1918 matapos ang isang matagumpay na kontra-opensiba ng Alyadong Puwersa.

Politika Ang politika (mula sa Griyegong πολιτικός politikos, nangangahulugang "mula, para, o may kinalaman sa mga mamamayan") ay ang proseso o pamamaraan ng paggawa ng pasiya sa pandaigdigan, sibiko, o indibidwal na nibel. Bagaman kadalasang iniuugnay ang politika sa pamahalaan, maaari ring pagmasdan ito sa lahat ng interaksiyon ng grupong pang-tao kabilang ang pang-kalakal, akademya, at relihiyoso. Agham pampolitika ang tawag sa pagaaral sa mga gawing pampolitika at pag-usisa sa pagkuha at paglapat ng kapangyarihan, katulad ng kakayahang magpataw ng sariling kalooban sa iba. Sa isang limitadong pagpapakahulugan, ito ay tumutukoy sa pagkamit at pagsasanay ng mga posisyon sa pamamahala — organisadong kontrol sa isang pamayanan ng tao, partikular sa isang estado. Higit pa rito, ang politika ay ang pag-aaral o pagsasanay ng pagpapamahagi ng kapangyarihan at kayamanan sa loob ng isang pamayanan (isang organisadong populasyong may antas) pati na rin ang ugnayan sa pagitan ng mga mamamayan. Maraming paraan naisasabuhay ang pagsasapolitika, kasama na ang pagpapalaganap ng mga pampolitikang pananaw sa mga tao o samahan, pakikipag-usapan sa iba pang kasapi ng politika, paggawa ng mga batas, at paggamit ng dahas laban sa mga katunggali. Naisasabuhay ang politika sa malawak na saklaw ng mga nibel ng lipunan, mula sa mga angkan at tribo ng mga tradisyonal na pamayanan, sa mga modernong lokal na pamahalaan, mga kompanya at institusyon hanggang sa mga soberanong estado, hanggang sa pandaigdigang nibel. Ang isang sistemang politika ay isang balangkas na nagpapakahulugan sa mga katanggaptanggap na pamamaraang pampolitika sa isang pamayanan. Ang kasaysayan ng kaisipang pampolitika ay maiuugat noong unang panahon pa, mula sa mga natatanging akda gaya ng Ang Republika ni Platon, Politika ni Aristoteles, at mga akda ni Confucius

Magallanes National High School Magallanes Sorsogon SY: 2017-2018

Proyekto sa Araling Panlipunan

Ipinasa ni: Carlos H. Pakit Grade VII Rose

Ipinasa kay: Mrs. Jinky G. Burton