Balagtasan Sa Pork Barrel Scam 422u64

Pag-alis ng Pork Barrel: Pabor Ka Ba O Hindi? (pyesa sa Balagtasan) LAKANDIWA: Sa mga kababayang hangad ay kaunlaran: Sa sandaling ito‟y alamin katotohanan Malugod na pagbati sa inyo‟y mamalagi Sa inyong abang lingkod, makinig na maigi.

Agad natutugunan ang pangangailangang Edukasyon, agrikultura‟t ekonomiya Pati na ang ibang sektor ng ating lipunan Dahil sa gobyerno, nasasagot ang problema.

Lingid ba sa „ting lahat ang mga kaganapan At mga pangyayari sa bansang iniibig? Siguro ay hindi, „pagkat laging naririnig Isyu‟t kontrobersiya ay ating nababatid.

PABOR: Sa inyo‟y ibabalik ang inyong naging tanong Nasisiguro niyo ba‟ng inyong mga tinura? Na ang pork barrel nga ba‟y naging malaking tulong? Bakit ang bansa‟y lugmok sa hirap hanggang ngayon?

Hayaan niyo nawa kaming aming talakayin Isa sa nakikitang pambansang suliranin: Ito‟y tungkol sa pagwaldas sa kaban natin “Pork barrel” o PDAF kung atin siyang tatawagin. Pag-alis sa pork barrel, pabor ka ba o hindi? Mapapakinggan niyo, magkasalungat na panig Ang isa ay papabor, ang isa ay tatanggi Mga kababayan, kanino kayo kakampi? Palitan ng ideya, palitan ng mungkahi Ang mga opinyon, ngayon ay magbabanggaan Huwag nang patagalin pa, atin nang simulan Ang talastasan dito sa ating Balagtasan. PABOR: Mahal kong kababayan, panig nami‟y pakinggan Ang sistemang pork barrel ay dapat nang wakasan! „Pagkat lalo lamang nitong pinahihirapan Lalo na‟ng mahihirap sa ating Inang Bayan. Priority Development Assistance Fund nga ba? O baka Poverty Developing Agreement Fund? Pinapasadlak lang ang tao sa kahirapan Nang dahil sa sabwatan nitong mga kawatan. KONTRA: Nasisiguro mo ba ang „yong mga tinura Na ang pork barrel nga ba‟y sa tao maninira? Pakinggan din aming panig, mga kababayan Na ang PDAF sa tao‟y kapaki-pakinabang.

Kahulugan ng PDAF, totoo ba ang sabi? Baka priority nga. . . ang kanilang sarili At itong mga buwaya, nagpapakasasa Sa kayamanang dapat nakalaan sa bansa. Ang kaban ng bayan ay para sa buong bayan Hindi dapat mapunta sa kaban ng iilan Perang nanggagaling sa kanilang mga kamay Sa pagtulong sa kanila‟y dapat na ibigay. KONTRA: Nasabi mo kanina na ang kaban ng bayan Hindi dapat mapunta sa kaban ng iilan Kung mga sangkot lamang ang siyang paguusapan Hindi naman lahat, ilan lamang ang kabilang. Sina Napoles, Estrada, Enrile‟t Revilla Ilan lamang sila sa sangkot sa anomalya May pitumpu‟t dalawa pang solon na kasama Hindi naman lahat, ilan lamang sila. Dalawandaan mahigit ang nasa Kapulungan Wala sa kalahati ang mga nakasuhan Kaya‟t „wag silang sisihin sa „ting kalagayan Mga lingkod-bayan, tayo lang ang tutulungan. PABOR: Sabi kanina ito‟y pambansang suliranin Ibig sabihin, ang bayan ito ang pasanin Inuulit ko sa inyo‟ng aming naging tanong Bakit ang bansa‟y lugmok sa hirap hanggang ngayon?

Sampung bilyong piso ang halaga ng nawaldas Kaya na nitong paunlarin ng Pilipinas Subalit sa maing kamay ito ay napunta Nararamdaman niyo ba ang hinaing ng bansa? Mayroong kasabihan: “Vox populi, vox Dei” Makapangyarihan ang tinig ng sambayanan Hindi magrereklamo ang mga Pilipino Kung di sila apektado ng epekto nito. Nagpahayag na mismo si Pangulong Aquino: “Alisin ang PDAF sa sistemang panggobyerno!” Di lang pumapayag mga miyembro ng Kongreso Dahil sa bulsa nila‟y wala nang itatago. KONTRA: Kung talaga ngang pabor si Pangulong Aquino Sa pag-alis nito sa sistema ng gobyerno, Bakit ang sinasabing utak ng iskandalo Ngayong nagkasala‟y tila kanyang tinatago? Pansinin nating lahat sa pagdinig ng kaso Mga mambabatas lang ang siyang kinakastigo Pero si Napoles, sa espesyal na pagtrato Nagpapakasarap sa espesyal na presinto. Kung sa hakbang na ito, sila ay desidido Tapusin na nila ang kontrobersiyang ito! Wala nang damay-damay, wala nang itatago Panagutin ang lahat ng maysala sa isyu! Yaman ding napapanahon ang usaping ito: Bakit di niyo tanungin ang sarili ninyo? Di ba‟t ang perang binibigay niyo sa gobyerno Nababalik din sa kanilang mga proyekto? PABOR: Subalit hindi nagagamit ang kabuuhan Tatlumpung prosyento ang sa bulsa napupunta Ano ba‟ng aasahan mo sa kagaya nila Ang sira-sirang proyekto ng pamahalaan? KONTRA: Walang “Iskolar ng Bayan” kung wala ang pork barrel! Ang pondong ginagamit, nagmumula sa PDAF

Kung aalisin pa, saan sila maghahanap Perang pana sa kanilang pag-aaral? PABOR: Hindi lang naman PDAF ang perang pana Panira lamang ito sa imahen ng bansa! KONTRA: Kahirapan ang panira sa ating imahen At hindi ito kasalanan ng lingkod-bayan natin! PABOR: Ang mga tao sila‟ng pinagkatiwalaan Na siyang mangunguna pagsugpo ng kahirapan; Subalit anong hakbang ang kanilang ginawa Lalong maging malala ang estado ng bansa?!?! KONTRA: Hindi mismo ang ating bansa ang naghihirap Ang mga Pilipino mismo ang naghihirap! PABOR: Mga Pinoy ang nagsisilbing mukha ng bayan Kaya‟t malinaw, ang „Pinas nasa kahirapan! KONTRA: Tayo‟y tinutulungan ng mga lingkod-bayan Mismong ang tao ang „di nakikipagtulungan PABOR: Isang maling akala ang „yong nagging pahayag! KONTRA: At makatotohanan ba ang „yong mga sinasabi?!?! PABOR: Ang pork barrel ang siyang instrumento ng korapsyon!!! KONTRA: Kaunlaran ang hatid nito sa ating bayan! PABOR: Ani P-Noy, “Kung walang corrupt, walang mahirap”!!! KONTRA:

Anong ginagawa ng kanyang istrasyon?!?! PABOR: Kailangan niya lamang ang tulong ng taongbayan!! KONTRA: Lahat ba ng sektor kanyang napaglalaanan?!?! LAKANDIWA: Sandali lang, mga kaibigan!!!! Sa damdamin niyo yata kayo ay nadadala Mga salita niyo‟y talagang nagbanggaan na Ano kaya ang bawat panig, kayo‟y kumalma At dinggin maigi, pahayag ng Lakandiwa? Ang magkabilang panig, may magagandang punto May kanya-kanyang pananaw sa isyu na ito Sa kung sino ang tama, kung pag-usapan dito: Hindi natin masabi, „pagkat lahat totoo. Ang kampong pumapabor sa pag-alis sa PDAF Nagsasabing: “sa bansa ito‟y naging pahirap” Wala itong nagagawang mabuti sa bayan Dahil pagkalugmok lang ang siyang kahihinatnan. Samantalang sinasabi ng kabilang kampo: “Wag alisin, makakatulong sa Pilipino Ang dala-dala nito‟y maraming benepisyo Na t‟yak makakatulong sa kailangan ng tao. Subalit mga katanunga‟y umaaligid Umaalingawngaw lalo sa ating paligid: Sino ba ang dapat na mas papaniwalaan? Sino ba ang nagsasabi ng katotohanan? Pag-alis sa pork barrel, kung pumapabor kayo Ito lamang din ang masasabi ko sa inyo: “Hindi kailanman tama na tayo‟y magreklamo Sa sunog na tayo mismo ang nagpasimuno”. Huwag na lang tayong magreklamo sa mga pulitiko Na tayo mismo ang nagpaluklok sa pwesto Sa susunod, piliin „yung tipong makatao Na tanging ibibigay lang, serbisyong totoo.

Perang binibigay natin sa pamahalaan Sila ang naatasan kung pa‟no hahawakan Suriin kung sila nga‟y „pagkakatiwalaan Nang „di na maulit, bakas ng kasalukuyan. Kayo naming nagsasabing huwag itong alisin: “Suriing mabuti ang Pambansang Badyet natin; Di ba‟t ang malaking bahagi ng kaban natin Ay ang pork barrel mismo ng mga mambabatas?” Ang sigaw ng kabila‟y sigaw ng taong-bayan Walang raling magaganap sa Kamaynilaan At kung kayo‟y totoo sa inyong katapatan Di sana nangyari ang ganitong kaganapan. Ito‟y di magandang bahagi ng kasaysayan Na lalong sumira sa imahen ng bayan Kung hahangarin nating matamo‟ng kaunlaran Kumilos ngayon pabalik sa tuwid na daan. Kung sino man ang nagkasala sa taongbayan Husgado mismo‟ng magbibigay ng kapasyahan Nang makamtan ng bayan tunay na katarungan Matapos na ito‟y malugmok sa kasawian. Mga kababayan, nasa inyo‟ng kapasyahan Sa kung aling panig ba‟ng inyong kakampihan Ang Balagtasang ito‟y dito na magwawakas Magandang araw po at Mabuhay ang Pilipinas!

-mula sa panulat ni Victor R. Buenconsejo