Buod 5n2b6p

Buod Ang unang bahagi ng epiko ay nagpapakila kay Gilgamesh, ang hari ng Uruk na 2/3 diyos at 1/3 na tao. Nagtayo siya nakamamanghang ziggurats, o toreng templo, pinalibutan ang kanyang lungsod ng mataas na pader, at nagkaroon ng mga taniman at parang. Siya ay may kakisigan at kagandahan ng panlabas na anyo, malakas at sadyang matalino. Kahit si Gilgamesh ay tulad ng diyos sa isip at katawan, nagsimula siya sa kanyang paghahari bilang isang malupit na pinuno. Inalipin nya ang kanyang mga nasasakupan at pinagsamantalahan ang sinumang babae na nais nya, kahit asawa man ito ng isa sa kanyang mga mandirigma o anak ng isang kagalang-galang. Nagagawa niya ang kanyang mga proyektong gusali na may sapilitang paggawa, at ang kanyang mga manggagawa ay nag-alsa laban sa kanyang pamumuno. Narinig ng mga diyos ang pagsamo ng mga nasasakupan ni Gilgamesh kaya napagdesisyunan nilang bantayan si Gilgamesh sa pamamagitan ng paggawa kay Enkidu na halos katulad ni Gilgamesh. Naging mabuti silang magkaibigan na siyang nagdulot ng pagkawasak ng puso ni Gilgamesh nang mamatay si Enkidu dahil sa isang sakit na nagmula sa mga diyos. Dahil dito, naglakbay si Gilgamesh hanggang sa dulo ng mundo at natutunan ang tungkol sa mga araw bago ang pagbaha at isang sikreto ng mga diyos, at isinulat niya ang mga ito sa isang tableta. Ang epiko ay nagsimula kay Enkidu. Nanirahan siya kasama ng mga hayop at namuhay gaya nila. Natagpuan siya ng isang mangangaso at nagpadala ng isang babae sa kagubatan upang amuin ang lalaki. Noong mga panahong iyon, ang tingin ng mga tao sa babae at pagtatalik ay mga bagay na nakakapagpakalma sa mga maiilap ng lalaking kagaya ni Enkidu upang sila ay maging sibilisado. Nang magsiping ang babae at si Enkidu, nilayuan ng mga hayop si Enkidu sa kadahilanang hindi na siya isang kauri. Ngayon, parte na siya ng mundo ng mga tao. Tinuruan siya ng babae ng lahat ng mga bagay na makakatulong sa kanya upang maging tao. Ikinagalit ni Enkidu ang nalaman niya tungkol sa pamumuno ni Gilgamesh at sa kalupitan nito. Nang dumating si Enkidu, saktong si Gilgamesh naman ay nagtangkang manggulo sa isang kasal. Hinarangan ni Enkidu si Gilgamesh at nagkasakitan ang dalawa nang may katagalan at sa huli ay nagtagumpay si Gilgamesh. Matapos ang pangyayaring iyon, naging magkaibigan ang dalawa at nagsimulang maglakbay nang magkasama. Napagdesisyunan ng dalawa na magnakaw ng mga puno sa isang malayong kagubatan na ipinagbabawal sa mga mortal na nilalang. Isang diyablo na nagngangalang Humbaba, ang matapat na alipin ni Enlil (diyos ng lupa, hangin at himpapawid). Nagsimulang maglakbay ang dalawa tungo sa kagubatan at sabay na nakipaglaban sa halimaw. Sa tulong ni Shamash (diyos ng araw), napatay nila ito. Pinutol nila ang mga puno at ginamit ang pinakamataas bilang isang dambuhalang tarangkahan habang ang iba naman ay bilang balsa na kanilang ginamit pabalik sa Uruk. Sa kanilang pagbalik, pinagnasaan ni Ishtar, diyosa ng pag-ibig, si Gilgamesh. Tinanggihan naman siya ng lalaki. Dahil sa galit, nakiusap ang diyosa kay Anu, diyos ng himpapawid/kalangitan, na ipadala ang Toro ng Langit upang parusahan si Gilgamesh. Bumaba ang toro mula sa langit dala ang pitong taong kagutuman. Natalo naman ni Gilgamesh at Enkidu ang toro. Nagkasundo ang mga diyos na dapat parusahan ang isa sa magkaibigan dahil sa kanilang pagsuway at napagdesisyunan nilang dapat mamatay si Enkidu. Nagkaroon ng karamdaman si Enkidu at ibinahagi nito kay Gilgamesh ang mga pangitain mula sa underwold. Nang siya ay tuluyang mamatay, lubusan itong dinamdam ni Gilgamesh. Hindi mapigilan ni Gilgamesh na magluksa kay Enkidu. Nagpasya siyang maglakbay at hanapin si Utnapishtim, ang Noah ng Mesopotamia. Pagkatapos ng baha, binigyan ng mga Diyos ng buhay na walang hanggan si Utnapishtim, at umasa si Gilgamesh na maibabahagi rin ni Utnapishtim kung paano maiiwasan ang kamatayan. Naglakbay si Gilgamesh sa Mashu, isang bundok na may dalawang mataas na pook, kung saan ang araw ay lumulubog sa isang bahagi nito at ang kabilang bahagi naman ay kung saan lumilitaw ang araw. Nakatira si Utnapishtim sa bundok na iyon ngunit may 2 alakdan (scorpion) na nagbabantay dito. Noong

una, hindi itonpumayag ngunit sa pagmamakaawa ni Gilgamesh, ay nagbago ang isip ng mga alakdan. Pagpasok ni Gilgamesh sa bungad, ay tumambad sa kanya ang isang magandang hardin malapit sa isang dagat. Nakilala niya roon si Siduri, at ikinwento nya sa kanya ang kanyang paglalakbay. Binalaan ni Siduri na ang paghahanap ng imortalidad ay delikado at dapat makuntetnto siya sa biyaya ng kanyang maikling paninirahan sa mundo. Ngunit, tinulungan pa rin niya si Gilgamesh at itinuro niya si Urshanabi, ang taga-hatid ng mga tao gamit ang bangka sa 'Waters of Death to Utnapishtim'. Ikinuwento ni Utnapishtim ang tungkol sa baha, iginiit niya na binalaan siya ni Ea, ang Diyos ng Karunungan tungkol sa plano ng mga Diyos na lunurin ang mga tao, kaya gumawa siya ng malaking barko kung saan lahat ng nilalang sa mundo ay maliligtas. At dahil sa kanyang pagligtas, binigyan siya ng walang-hanggang buhay. "Maaaring mamatay ang tao, ngunit ang sangkatauhan ay patuloy na uusbong." Binigyan ng isang pagsubok ni Utnapishtim si Gilgamesh. "Kailangan mong magising ng isang linggo". Ngunit, nabigo naman si Gilgamesh. Pinabalik ni Utnapishtim si Gilgamesh sa Uruk, kung saan siya nababagay. Habang papalayo nang papalayo si Gilgamesh ay nilapitan siya ng asawa ni Utnapishtim at kinumbinseng hanapin na lang ang milagrosong halaman na nakapag-papabalik ng kabataan. Naglakbay muli at hinanap ni Gilgamesh ang sinasabing halaman ngunit inagaw ito ng ahas habang siya ay natutulog. Nagpalit ng balat ang ahas, at nagsimulang bumata. Nang bumalik si Gilgamesh sa Uruk, napagtantuan niya na hindi siya maaaring mabuhay magpakailanman ngunit na ang sangkatauhan ay maaari. Ngayon nakikita niya na ang bayan niyang itinakwil ay isang kahanga-hanga, at bunga ng kanyang pamamalakad-ang pinakamalapit na bagay sa imortalidad sa kung saan ang isang mortal ay maaaring hangarin. •

N.K. Sandars Siya ay isang mananaliksik at kilala siya sa pagsasasaling-wika ng mga teksto tulad ng epiko ni Gilgamesh. Bukod dito, isa siyang manunulat ng ukol sa kasaysayan ng mundo. • • • • • •

Mesopotamia Matatagpuan ito sa rehiyon ng Fertile Crescent Ang salitang Mesopotamia ay nagmula sa mga salitang Greek na meso na ang ibig sabihin ay “pagitan” at potamos o “ilog” Dalawang ilog ang dumadaloy rito: ang mga ilog Tigris at Euphrates na parehong nagmula sa kabundukan ng Armenia at tumatagos sa Golpo ng Persia. Ang ilog Tigris at Euphrates ay nagiiwan ng matabang lupa na ginagamit naman sa pagsasaka at nagsisilbi din silang daanan ng mga kalakal na patungong Golpo mula sa dagat Mediterranean. Sa Mesopotamia nahubog ang apat na kabihasnan: ang Sumer, Babylonia, Akkad at mga Assyria