Manila Kingpin 4k3w30

MANILA KINGPIN: ASIONG SALONGA STORY Buod Ang pelikulang Manila Kingpin ay pinatutungkulan ang istorya ng buhay ni Nicasio “Asiong” Salonga, isang mambubutang na naghari sa Tondo maraming taon na ang nakalipas. Sa simula, pinakita kung paano siya nakipag laban upang maging hari ng Tondo. Gumamit siya ng dahas upang maghiganti sa dating hari ng Tondo at sumaliwa sa pakikitungo nito sa kanyang mga tagapaglingkod. Ipinakita rin dito kung paano mamuhay ang isang Asiong Salonga at ang pangangamba ng kanyang nag dadalang taong asawa na si Fidela Salonga sa kanyang kaligtasan sa tuwing siya ay may nakakasagupang nais mag hari sa Tondo. Ang kanyang kapatid na pulis maging ang kanyang mga magulang ay sumasalungat sa kanyang di ligtas na pamumuhay. Kabila sa pagiging kilala niya na walang takot na tao, palagi siyang nag dadala ng baril at handing makipag laban sa kahit na sino. Ang pelikula ay nagpapakita rin ng marangal na katauhan habang sinusubukan niyang pamunuan at protektahan ang mga tagaTondo sa mga abusadong tao. Nagbibigay limos sya sa mga mahihirap at kung minsan ay may tinulungan siyang matandang babae na tumayo dahil natumba habang naglalakad. Nag-iisip katulad ni ‘’Robinhood’’,ngunit hindi pana at palaso ang kanyang gamit kundi masinggan at ilang makalawang na balaraw. Ngunit sa pangkalahatang pagtatanghal ng pelikula , ipinakita ang kanyan malulupit na pakikipagbuno at mahiwagang abilidad upang magbigay ng walang awang kautusan hindi lamang sa kanyang mga kapanalig kundi maging sa kanyang mga katunggali. Pagsusuri ng mga Tauhan Jeorge Estregan - "Asiong Salonga" - Ang pangunahing tauhan sa pelikulang Manila Kingpin. Siya ang kinilalang Hari ng Tondo noong dekada singkwenta. Naging angkop ang pagganap niya sa katauhan ni Asiong Salonga dahil nagpakita siya ng katapangan sa pagganap. Mahusay siya sa mga parteng aksyong kagaya ng barilan, saksakan at iba pa. Ngunit, aming nakilatis na mahina siya sa parte ng pag iyak. Carla Abellana - "Fidela Salonga" - Gumanap siya bilang kabiyak si Asiong Salonga. Siya ay mapagmahal at maalalahaning asawa at ina. Naging matiwasay ang pagganap niya sa karakter sapagkat ang hinihinging emosyon sa bawat eksena ay kanyang naibigay ng maayos. Phillip Salvador-"Domeng Salonga"- Siya ay gumanap bilang isang pulis na kapatid ni Asiong. Salungat siya sa tinatahak na daan ni Asiong sapagkat ito ay mapahamak at maari itong malagay sa bilangguan. Angkop ang pagpili kay Phillip Salvador dahil nabigyang buhay niya ang karakter ni Domeng Salonga. Dennis Padilla-"Tambol"- isa sa mga tauhan ni Asiong na nakipaglaban at napatay para sa ikatatahimik ng kaluluwa nito. Nakatutuwang karakter dahil maging sa mga maaaksyong eksena ay parang katatawanan an lumalabas sa mga nangyayari. John Regala -" Totoy Golem"-Siya ay ang mahigpit na kalaban ni Asiong na gagawin ang lahat ng paraan upang makuha ang pagiging Hari ng Tondo mula dito. Naging angkop ang karakter na Totoy Golem sakanya dahil sa taglay niyang kakayahan upang maging "action star". Naging mahusay ang pagganap niya dahil nadala ang emosyon namin sa bawat eksenang kanyang ginanapan. Ronnie Lazaro-"Boy Zapanta"-Siya ay isa sa mga tauhan ni Golem na galit kay Asiong dahil nakulong siya dahil dito. Nakasaksakan siya ni Asiong nang makulong ito. Naging angkop siya para sa karakter ni Boy Zapanta dahil nabigyang buhay niya ang karakter nito. Joko Diaz -"Pepeng Hapon"-Isa sa mga nakatunggali ni Asiong at tauhan ni Golem. Hiniling ng warden kay Asiong na itumba si Pepeng Hapon kapalit ng paglaya nito. Bagay ang karakter ni Pepeng Hapon dahil sa mukha itong kontrabida at ang kanyang mga galaw ay matikas na parang antagonista. Archie Adamos-"Turong Pajo"- Naging tauhan ni Golem ngunit tumiwalag din sa grupo at dahil dito, itinuring na siyang kaaway nila Golem at pinapatay ito. Naging mahusay ang kanyang pagganap dahil sa kakayahan niyang taglay Bilang isang antagonista ngunit kami ay nakulangan ng kaunti sa kanyang pagganap. Baron Geisler-"Erning Toothpick"- Siya ang kanang kama ni Asiong na nagtaksil at ang mismong pumatay kay Asiong. Lagi siyang may toothpick. Naging mahusay ang pagpili sa kanya sapagkat nagampanan niya ito ng maayos at naging angkop din ang itsura niya sa karakter ni Erning. Siya ay tunay na nakaka inis sa pelikula nang pinatay niya si Asiong. Pagsusuri sa Direksyon Ang direktor ng pelikulang Manila Kingpin ay nagngangalang Tikoy Aguilar. Naging magaling ang pagpili sa mga artistang gumanap sa

naturang palabas. Ang mga lugar kung saan nag-shooting ay naging angkop din sa pelikula dahil ginamit nila ang lugar na makaluma upang maging angkop sa dekada 50. At sa kabuuan ay naging matagumpay ang direktor sa pagbibigay-buhay sa pelikula. Dahil dito, ang pelikulang Manila Kingpin ay nagkamit ng maraming parangal at isa na rito ang Best Festival Director. Sinematograpiya Dahil "black and white" ang pagkaka palabas sa pelikula, hindi gaanong napansin ang pagbabago ng ilaw, kung kailan liliwanag o didilim. Ngunit, para sa amin ay nakabawi ito sa iba't ibang anggulo ng pagkuha sa bawat eksena. Naging malikhain ang mga "cameramen" o "camerawomen" sa pagkuha ng bawat eksena lalo na kung may aksyon o barilan. Mas napansin o napukaw nito ang aming mga atensyon at pansamantalang natigil ang pagkkwentuhan namin ukol sa pelikula nang nag "slow motion" ang pagkaka putok ng baril kay Asiong at ang pag kaka baril kay Golemm sa ulo. Iskrip "May gatas ka pa sa labi, gusto mo na agad maghari dito sa Tondo!" -Viray "Ang taong nabubuhay sa baril, sa baril din mamamatay." -Fidela "Akin ang lupang ito!" -Golem "Hindi! Kay Asiong!" -Tambol Naging malikhain ang pagkakasulat ng iskrip dahil may mga linyang tumatak sa aming mga isipan na nakatala sa itaas. Bukod dito, ang mga mura nila sa iskrip ay nakatulong sapagkat mag nabigyang hustisya nila ang emosyon na dapat nilang ipakita. Disensyong Pangproduksyon Pook at Tagpuan: Malalamn agad na sa Tondo,Manila ang lugar kung saan naghahari si Asiong dahil angkop ang mga Tagpuan na ipinakita sa pelikula. Ipinakita ang masisikip na daanan at ang tulay na kahoy. Kagamitan: Angkop ang mga kagamitan sa pelikula sa panahon nila. tulad nito ang paggamit nila ng kalesa bilang transportasyon. Make-up at Kasuotan: Ang mga kasuotan at magmamake up ng bawat tauhan ay sadyang sumasalamin sa panahong dekada singkwenta. Sa panahon noon, ang mga babae ay palaging naka kulot o nakapusod ang buhok at nagsusuot sila ng belo kapansin pansin ang pagsusuot ng suspenders, fedora at converse. URI NG PANITIKAN Pelikula - Kilala rin bilang pinilakang tabin. Ito ay isang anyo ng sining o isang bahagi ng instriya ng libangan. Ang pelikula ay isang larawan na sumasakop sa mga galaw ng iasng larawan. Ito rin ay naging pangunahing tagapamagitan, dahil dito madalas itong itukoy ng akademya upang pa-aralan ang pelikula. Ginagawa ang pelikula sa pamamagitan ng pagrekord ng mga totoong tao at bagay gamit ang kamera. Teoryang Pampanitikan Humanismo- nagpapakita ang pelikulang ito ng Humanismo dahil ipinapakita ditto na si asiong Salongga ang sentro ng Tondo. Siya ang kinikilalang hari ditto. Ang mga utos, salita at batas niya ang nasusunod sa ilang bahagi ng pelikula. Sosyolohikal- nagpapakita rin ang pelikula ng Sosyolohikal na pagtingin dahil nagtutuon ito sa isang lipunan sa Tondo sa Maynila na sa panahong buhay na buhay pa ang mga “gang” sa lugar na iyon. Biyograpikal- madali itong natukoy dahil ito ay isang totoong istorya na binase sa tunay na buhay at pangyayari sa buhay ni Asiong at sa Tondo. BISANG PAMPANITIKAN BISA SA ISIP: Ang pelikulang Asiong Salongga ay napakadaming pwedeng maging interpretasyon. Mismong ako ay inulit ko ang pelikula ng tatlong beses. Sa panonood namin, ang iyong maiiisip habang ika’y nanunuod ay ang panahong iyon ay napakamarahas. Punong puno ng away at gulo ang kanilang kinalakhang panahon. Mapapaisip ka ng kung paanong ikaw ang nasa panahong iyon. Masasabi mo na ayaw mong mabuhay at manirahan sa kanilang panahon dahil hindi ganon kasaya at kaganda sa kanilang panahonMapapaisip ang manunuod ng mga bagay bagay tungkol sa pamumuhay ng panahon ng 1960s sa tondo, kung ikaw ba ang naninirahan at nabubuhay sa panahon na iyon, magiging katulad ka ba ni Asiong Salonga? Bisa sa Damdamin: Naramdaman namin ang saya at may halong awa kay Asiong noong nagtapat sila ni Totoy Golem sa lugar ni Asiong sa Tondo nang sinubukan harapin ni Totoy Golem si Asiong. Saya dahil nakita namin kay Asiong yung katangian na pagmamahal sa sariling bayan at pagsasakripisyo ng lahat para sa ikabubuti ng kanilang lugar. Awa dahil kahit mabugbog at masaktan na siya hindi pa rin siya tumitigil sa paglaban ng tama para sa kanilang bayan. Naawa rin kami dahil marami siyang

sinakripsiyo sa kanyang asawa at sa kanyang pamilya. Sa huli lahat ng kanyang ginawang sakrpisyo ay nagdulot ng magandang bunga na nakatulong sa kanilang bayan. BISA SA LIPUNAN: Ang Nais ipakita ng pelikula sa lipunan ay ang kalagayan ng Pilipinas lalo na sa Tondo, Maynila. Ang gusto iparating na mensahe sa ating lipunan ngayon, ay dapat hindi na maulit ang mga katiwalian na naganap noong panahon nila Asiong Salonga sa Tondo, Maynila noong dekada 40’s at 50’s. Ipinakita rin ang kaugaliang Pilipino na pagiging matapang at matulungin sa kapwa na dapat natin tularan. Ang isa pang mahalagang mensahe ng pelikula sa lipunan ay dapat, kilalanin natin mabuti ang mga taong nakapaligid satin lalo na ang ating mga kaibigan kung sila ba ay kaaway o totoong kaibigan. Sa hulihan, maaring sila ang dahilan ng ating tagumpay o katapusan

BISA SA KAASALAN: Sa panunuod ng pelikulang ito, matutukoy mo sa mga tauhan ang kanilang ugaling, pag-ka biolente at ang lubos na kagustuhang manalo at makuha ang kanilang kagustuhan at ang pag hahangad ng tagumpay kahit na madami silang makakalaban at kahit na ano pang gawin nila para lamang sa kagustuhan iyon

REAKSYON SA MGA NAGSIGANAP/AKTOR: Sa kabuuan, lahat nang nagsignap ay mahuhusay, kung umarte sila ay parang natural, walang kahirap-hirap, alam mong pinaghandaan ang kanila mga role sa pelikula, at syempre ginawa nila ang lahat ng maari nilang gawin upang mas maging katotohanan ang pelikula. Mahusay ang manunulat ng script ng pelikula sapagkat ang istorya ay madaling maintindihan at ang daloy ng mga pangyayari ay mabilisang masusubaybayan ng manunuod, ang mga tauhan ay makatotohanan at tamang tama para sa pelikula at ang mga galaw at aksyon ng bawat isa ay kapanipaniwala. Istilo ng Pagdidirihe: Masasabing magaling ang naging direktor ng palabas. Naidirekta niya ng maayos ang pagkakasunod-sunod ng mga pangyayari sa palabas. Ginawa niyang madali para sa mga manonood ang pagiintindi sa storya ng palabas. Ang pinakauna kong napansin ay ang istilo ng dirketor nag awing itim at puti ang kulay ng palabas. Masasabi kong mahusay iyon dahil ang tagpuan ng kwento ay nasa taon na 1940’s hanggang 1950’s kung saan na ang mga palabas ay nasa itim at puti pa lamang. Ginawa ng direktor na maging makatotohanan ang palabas sa paggamit ng mga kulay na iyon. Ginawa rin ng direktor ang lahat upang maipakita ang Maynila noong dating panahon. Masasabi ko rin na tama ang direktror nag awing itim at puti ang palabas dahil masyado it bayolente. Maraming eksena rito kung saan ay nagbabarilan ang mga tauhan sa palabas. Ang paggamit ng itim at puti bilang kulay ng palabas ay nakatulong upang bawasan ang pagiging bayolente. Sa Istilo ng Manunulat sa Script: Mahusay ang manunulat ng script ng pelikula sapagkat ang istorya ay madaling maintindihan at ang daloy ng mga pangyayari ay mabilisang masusubaybayan ng manunuod, ang mga tauhan ay makatotohanan at tamang tama para sa pelikula at ang mga galaw at aksyon ng bawat isa ay kapanipaniwala. Ang pelikulang ito ang nagbukas sa aking mga mata kung ano ang maaaring mangyari sa iyong buhay kapag ika’y padalos-dalos. Maganda ang pelikula at habang pinapanood namin ito nakikita ko na parang kami rin ay naaapektuhan dahil sa mga nangyari sa palabas. Tinulungan din ako ng pelikulang ito na hikayatin ang aking sarili na magdalawang isip o pag-isipan ang mga desisyon ko sa buhay. Binigyan din ako ng lakas ng loob ng pelikulang, “Manila Kingpin: The Asiong Salonga Story,” na matutong panindigan ang lahat ng desisyon sa buhay dahil ito rin ang maaaring bumuhay sa iyo sa huli. Natutunan ko rin sa pelikulang ito ang malaking epekto kapag nagdesisyon ka ng tama o mali, nakaaapekto rin ito pati sa buhay ng mga taong nakapaligid sa iyo.