Mga Halamang Gamot 6l3j4x

MGA HALAMANG GAMOT ABOKADO 1. Ang abokado ay isang uri ng prutas na nabubuhay sa mga maiinit na bansa tulad ng Pilipinas, Indonesia at ilan pang mga tropikal na bansa. Ito ay mayaman sa bitamina A kung saan pinalilinaw nito ang ating mata, samantalang ipinagbabawal naman ito sa mga taong may alta-presyon sapagka't pinalalapot nito ang dugo sanhi ng pagtaas nito. ALUGBATI 2. Mainam na paggamot sa taong may kanser, para rin sa may pigsa o bukol at mga maga sa katawan. Paraan: a) maglaga ng mga dahon at inumin tatlong beses maghapon b) magdikdik ng dahon, itapal sa parteng may pigsa, bukol o namamagang katawan. KAKAW 3. 1) Ang buto nito ay gamot sa may eksema. Paraan: Kumuha ng 12 pirasong buto, dikdikin. Lagyan ng mainit-init na tubig ang palanggana at pomentohan (banyos) ang parteng may eksema at itapal ang dinikdik na buto. 2) Ang buto ng kakaw ay ginagawang tsokolate. SAMBONG 4. Maraming sakit ang kayang pagalingin ng sambong tulad ng ubo (pantanggal ng plema), sa nahihirapang umihi, sakit sa lalamunan, may kabag, sumasakit ang tiyan at may rayuma. Inihahalo din ang dahon nito sa pampaligo at panghugas ng bagong panganak. Scientific name: Psidium guajava - BAYABAS 5. Ang dahon ng bayabas ang pangunahing gamot sa sakit ng tiyan, noong una pa man. Ang murang dahon naman nito ay ginagawang panglanggas sa mga bagong tuli na karaniwang maririnig sa probinsiya. Pinanlalanggas din sa sugat, sa pagkawala ng malay, pagtatae at mga namamagang gilagid at bibig. Scientific name: Vitex negundo- LAGUNDI 6. Mabisang gamot sa lagnat at ubo, tigdas, sakit sa balat gaya ng galis-aso, pantal ng balat at kagat ng insekto. Scientific name: Zingiber officinale Roscoe- LUYA 7. Gamot sa masakit na lalamunan dahilan ng pamamaga bunga ng tinatawag na tonsilitis. Pampaganda ng boses, para rin sa minamalat.