Satua Bali 3b436p

SATUA BALI MEN SUGIH TEKEN MEN TIWAS Ada katururan satua Men Sugih teken Men Tiwas. Men Sugih anak sugih pesan, nanging demit tur iri ati, jail teken anak lacur. Men Tiwas buka adane tiwas pesan, nanging melah solahne, tusing taen jail teken timpal. Men Tiwas geginane ngalih saang ke alase lakar adepa ka peken. Nuju dina anu, Men Tiwas ka umah Men Sugih ngidih api. Ditu Men Sugih ngomong, "Ih cai Men Tiwas, alihin ja icang kutu, yen suba telah kutun icange, nyanan upahina baas". Laut Men Tiwas ngalihin kutu Men Sugihe. Suba tengai mara suud. Men Tiwas upahina baas acrongcong, ngenggalang lantas baasne abana mulih laut jakana. Men Sugih jumahne buin masiksikan, maan kutu aukud. Ngenggalang ia ka umah Men Tiwase, laut ngomong, "Ih cai Men Tiwas, ene icang maan kutu aukud, jani mai uliang baas icange ituni". Masaut Men Tiwas, "Yeh, baase ituni suba jakan tiang". Masaut Men Sugih, "Nah, ento suba aba mai anggon pasilih!". Nasine ane makire lebeng ento laut juanga konyang ka pancine abana mulih baan Men Sugih. Nyanane buin teka Men Sugih, "Ih Tiwas, tuni Nyai ngidih api teken saang icange". Lantas api teken saange apesel gede juanga baan Men Sugih. Men Tiwas bengong mapangenan baan lacurne buka keto. Buin manine Men Tiwas tundena nebuk padi baan Men Sugih lakar upahina baasduang crongcong. Men Tiwas nyak nebuk kanti pragat, upahina baas duang crongcong, laut encol mulih lantas nyakan. Men Sugih lantas nyeksek baas, maan latah dadua. Encol ia ka umah Men Tiwas laut ngomong, "Ih Tiwas ene baase enu misi latah dadua, jani uliang baas icange, yen suba majakan ento suba aba mai". Sedek dina anu Men Tiwas luas ka alase, krasak-krosok ngalih saang. Saget teka Sang Kidang laut ngomong, "Men Tiwas apa lakar alih ditu?" masaut Men Tiwas, "Tiang ngalih saang teken paku". "Lakar anggon gena ngalih paku?" Masaut Men Tiwas, "Lakar anggon tiang jukut". "Ih Tiwas lamun nyak Nyai nyeluk jit icange, ditu ada pabaang nira teken Nyai!" Lantas Men Tiwas nyak nyeluk jit kidange, mara kedenga, limane bek misi masteken selaka. Suud keto Sang Kidang ilang, Men Tiwas kendel pesan

lantas mulih. Teked jumah ia luas ke pande ngae gelang, bungkung teken kalung. Men Tiwas janMen Sugih nadak, pianakne makejang nganggo bungah, lantas ia pesu mablanja. Tepukina Men Tiwas teken Men Sugih. Delakdelik ia ngiwasin pianak Men Tiwase. Buin manine Men Sugih mlali ka umah Men Tiwase matakon, "Ih Tiwas, dija Nyai maan mas selaka liu?". Masaut Men Tiwas, "Kene embok, ibi tiang luas ka alase ngalih saang teken paku lakar jukut, saget ada kidang, nunden tiang nyeluk jitne. Lantas seluk tiang, mara kedeng tiang limane ditu maan emas teken selaka liu." Mare ningih keto. Men Sugih ngencolang mulih. Manine Men Sugih ngemalunin luas ke alase, Men Sugih nyaru-nyaru buka anak tiwas, krasak-krosok ngalih saang teken paku. Saget teka Sang Kidang, "Nyen ento krasak-krosok?". Masaut Men Sugih, "Tiang Men Tiwas, uli puan tiang tuara nyakan".Men Sugih kendel pesan kenehne. Lantas masaut Sang Kidang, "Ih Tiwas, mai seluk jit nirane!". Mara keto lantas seluka jit kidange, laut kijem jit kidange, Men Sugih paide abana ka dui-duine. Men Sugih ngeling aduh-aduh katulung-tulung,"Nunas ica tulung tiang, tiang kapok!". Teked di pangkunge mara Men Sugih lebanga, awakne telah babak belur tur pingsan. Disubane inget ia magaang mulih. Teked jumahne lantas ia gelem makelo-kelo laut ngemasin mati. Keto suba upah anake lobha tur iri ati.

I.

SINOPSIS MEN SUGIH TEKEN MEN TIWAS

Ada tuturan satua Men Sugih Teken Men Tiwas. Men Sugih ia sugih pesan, nanging demit. Tur ia iri ati, jail teken anak lacur. Liu anake tusing demen teken Men Sugih. Men Tiwas buka adane tiwas pesan, nanging melah solahne, tusing taen jail teken timpal. Sai-sai Men Tiwas ka alase ngalih saang lakar adepa ka peken. Nuju dina anu Men Tiwas kumah Men Sugihe ngidih api. Ditu ngomong Men Sugih ngorin ngalihin kutu. Men Tiwas ngalihin kutun Men Sugihe, suba tengai mara suud. Men Tiwas upahina baas acrongcong. Ia ngencolang mulih, lantas baase ento jakana. Men Sugih jumahne masiksikan, maan kutu aukud. Ngenggalang ia kumah Men Tiwase, nagih baas sane suba baange ento. Sakewale baasne suba jakane teken Men Tiwas. Nasine ane suba ngantiang lebeng ento juanga. Kayang kuskusane abana baan Men Sugih. Nyananne buin teka Men Sugih laut ngomong, Ditu lantas apin Men Tiwase juanga baan Men Sugih. Tekening saangne apesel gede masih juanga, Men Tiwas bengong ngenehang lacurne buka keto. Maninne Men Tiwas tundena nebuk padi baan Men Sugih. Lakar upahina baas duang crongcong. Men Tiwas nyak nebuk kanti sanja mara pragat. Upahina ia baas, laut encol mulih lakar nyakan. Men Sugih jumahne nyeksek baasne, maan latah dadua. Ditu encol ia kumah Men Tiwase. Suba teked laut Men Sugih nagih baasne sane suba majakan Kayang payukne masih juanga baan Men Sugih. Sedek dina anu Men Tiwas luas ka alase, krasak-krosok ngalih saang. Saget teka sang kidang ngorin Men Tiwas nyeluk jit kidange. Ditu lantas seluka jit kidange. Mara kedenga, bek limane misi mas teken slaka. Suud keto sang kidang ilang. Men Tiwas kendel pesan lantas mulih. Teked jumah ia luas ka pande. Nunden ngae gelang, bungkung teken kalung. Men Tiwas janMen Sugih liu ngelah mas slaka. Makejang pianakne nganggo bungah, magelang, mabungkung, makalung mas. Lantas ia pesu mablanja. Ditu tepukina Men Tiwas teken Men Sugih. Ia jengis delak-delik ngiwasin pianakne Men Tiwas. Maninne Men Sugih ka umahne Men Tiwas matakon dija maan slaka liu, lan ceritange teken men Tiwas. Mara keto Men Sugih ngencolang mulih. Maninne Men Sugih ngamalunin luas ka alase. Men Sugih nyaru-nyaru buka anake tiwas. Ditu ia krasak-krosok ngalih saang teken paku. Saget teka sang kidang, tur matakon, “Nyen ento krasak-krosok?” Masaut Men Sugih sambilanga maakin sang kidang, “Tiang Men Tiwas, uli puang tiang tuara nyakan.” Men Sugih klebet-klebet bayune kendel pesan. Masaut sang kidang, “Ih Tiwas, mai dini seluk jit nirane!” Mara keto lantas seluka jit kidange ento. Mara macelep limanne, lantas kijem jit kidange. Men Sugih paida abana ka dui-duine. Men Sugih ngeling aduh-aduh katulung-tulung.

II.

UNSUR INTRINSIK

1.

Temanyane inggih punika “pendidikan”

2.

Plot utawi alur sane kaanggen ring satua baduur inggih punika alur maju

3.

Tokoh lan penokohohan nyane, inggih punika : a) Men Sugih sebagai pelaku antagonis, sifatnyane sombong lan loba b) Men Tiwas sebagai pelaku protagonis, sifatnyane matilasan teken dewek lacur

4.

Latar utawi setting inggih punika : Di umah Men Sugih, Di Umah Men Tiwas, lan di Tengah alase

5.

Sudut pandang inggih punika : Orang Ketiga Sebagai Peninjau

6.

Gaya bahasa utawi diksi inggih punika :Bahasa Bali Kepara

7.

Amanat sane kapolihan saking satua baduur inggih punika iraga ten dados sombong lan loba sekadi men sugih, makrana kasombongan dan loba ngabe kasengsaraan teken dewek iraga

III.

UNSUR EKSTRINSIK

1.

unsur/nilai kebudayaan nyane inggih punika identik teken situasi adat di Bali inggih punika ngidih api teken saang anggen nyakan

2.

unsur/nilai sosial nyane inggih punika men tiwas marengin men sugih ngalihin kutu men sugihne