Swori Kveba 6o6z3d

როგორ ვიკვებოთ სწორად სწორი კვება გულისხმობს ყოველ 3 საათში ერთხელ 4-5 ჯერად ბალანსირებულ კვებას დღის განმავლობაში. არა აქვს მნიშვნელობა, ჩვენ მასაში მომატება გვინდა თუ დაკლება, ორივე შემთხვევაში რაც უფრო ხშირად ვიკვებებით მით უკეთესია ჩვენი მეტაბოლიზმი, ნივთიერებათა ცვლა. რას წარმოადგენს ბალანსირებული კვება ? ჩვენი საკვები უნდა შედგებოდეს მრავალფეროვანი კომპონენტებისაგან:ცილები, ნახშირწყლები, ცხიმები, ვიტამინები, მინერალური ელემენტები , ბურღულეული, რძის პროდუქტი, სითხე. ყველაფერი საჭიროა ჩვენი ორგანიზმისათვის და არ უნდა ვიკვებებოდეთ ერთფეროვანი პროდუქტით. ამასთან ერთად უნდა ვეცადოთ, რომ ერთმანეთში არ შევურიოთ სხვადასხვა სახეობის საკვები და მივიღოთ მცირე პორციებით. არ შეიძლება ერთ ჭამაზე ყველაფერი ერთმანეთში ავურიოთ, ხორცი, ბოსტნეული, ხილი, ნამცხვარი, გაზიანი ტკბილი სასმელები და სხვა. ხილი: ხილი ჯობია მივირთვათ დღის პირველ ნახევარში ცალკე კვებად, ძირითად საკვების მიღებებამდე ერთი საათით ადრე. საღამოს 8 საათის შემდეგ სასურველია ხილისგან თავის შეკავება, რადგან ის შეიცავს მარტივ ნახშირწყლებს და თუ არ დაიწვა, ძილის დროს გარდაიქმნება ცხიმად. რა გეკრძალებათ: გეკრძალებათ ყველაფერი შემწვარი, განსაკუთრებით კარტოფილი, შებოლილი, მარილიანი, მაიონეზი, არაჟანი, კოკა კოლა და მსგავსი გაზიანი სასმელები, ვითომ ნატურალური წვენები, ალკოჰოლი, ლუდი, ცხიმიანი საკვები, ცომეული და ტკბილეული. ასევე კატეგორიულად გეკრძალებათ სწრაფი კვების პროდუქტი ფასტფუდი. რა ვჭამოთ და როდის: საკვები პროდუქტების დღიური რაციონი შეგვიძლია დავყოთ 3 კატეგორიად: 1|3 ხორცი და რძის პროდუქტი 1|3 მარცვლეული და ბურღულეული 1|3 ხილი და ბოსტნეული ცილების შემცველი პროდუქტებია: ხორცი, თევზი, ფრინველი, კვერცხი, რძის პროდუქტი, ასევე არაცხოველური ცილები პარკოსნები ლობიო, ბარდა, სოიო და სხვ. ნახშირწყლების შემცველი პროდუქტებია: მარცვლეული და ბურღულეული დაბეგვილი ხორბლის პური, ბრინჯი, წიწიბურა, პარკოსნები, კარტოფილი შეიცავენ ასევე ცილას, B ჯგუფის ვიტამინებს, უჯრედისს. ხილი და ბოსტნეული შეიცავენ მარტივ და რთულ ნახშირწყლებს, უჯრედისს, ვიტამინ C-ს. სასარგებლო ცხიმებია: ზეითუნის ზეთი, მცენარეული ზეთი, თევზის ქონი, ნაღების კარაქი. შეიცავენ ცხიმებს და ვიტამინ E-ს. როდის ვიკვებოთ ? პირველი საუზმე უმჯობესია დილით 10 საათამდე. დილის კვება განსაზღვრავს მეტაბოლიზმს მთელი დღის მანძილზე. ჰერკულესის, ბურღულეულის ფაფა, კვერცხი, დაცეხვილი პური ყველით და კარაქით, ჩაი, კაკაო, ყავა რძით. სადილამდე 12 საათისთვის ხილი, ორი ერთეული.

სადილი 15 საათამდე. ნებისმიერი სადილი: წვნიანი, ბოსტნეული, ხორცი, თევზი, ფრინველი. სამხარამდე 1 საათით ადრე ხილი, ორი ერთეული. სამხარი 18 საათამდე. თევზი, ქათმის ხორცი, მსუბუქი ბოსტნეულის სალათა. ვახშამი არაუგვიანეს 20 საათისა, დაწოლამდე 3 საათით ადრე. უმჯობესია ცილოვანი საკვები: ხაჭო, მაწონი ან კეფირი, ერთი ჭიქა რძე, უცხიმო თევზი, ქათმის ფილე. ვინც შოკოლადს ვერ ელევით, შეგიძლიათ მიირთვათ 25 გრ. მწარე შოკოლადი კვირაში 2 -ჯერ დღის პირველ ნახევარში. წყალი. საშუალო წონის ადამიანმა დღეში უნდა დალიოს 2 ლიტრი სუფთა წყალი. რაც მეტია წონა, მით მეტი წყალი უნდა მიიღოს ორგანიზმმა. ძილის შემდეგ ადგომისთანავე მიიღეთ ერთი ჭიქა წყალი. ასევე წყალი უნდა დალიოთ საჭმლის მიღებამდე ცოტა ხნით ადრე და საჭმლის მიღებიდან ნახევარი საათის შემდეგ. ჭამის დროს არ შეიძლება წყლის დალევა. წყალი შეგიძლიათ დალიოთ ვარჯიშის დროსაც, მცირე რაოდენობით ყლუპობით, ვინაიდან ვარჯიშის დროს ორგანიზმი კარგავს სითხეს და საჭიროა მისი აღდგენა. არ შეიძლება მაღალი პულსის დროს წყალი დალიოთ ერთბაშად, ჯობია დაელოდოთ პულსის დაწევას