10 Uri Ng Krimen 34n21

Sampung (10) Pinakamatinding Krimen sa Pilipinas Sa kabila ng malawakang kampanya laban sa krimen at sa mga pamamaraang isinasagawa upang mapanatili ang kapayapaan at kaligtasan sa Pilipinas, ang karahasan ay nanatiling malaking problema ng bansa. Ipinapalagay ng kapulisyahan na ang sanhi ng pagiging talamak ng krimen ay isinisisi sa maraming kadahilan na siyang nagbubunsod sa mga ito. Nauuna sa mga kadahilanan ang matinding kahirapan at pagtaas ng bilang ng populasyon na pinaniniwalaang pinag-uugatan ng lahat ng suliraning kaakibat ng pagtaas ng krimen. Ang sumusunod ay ang sampung nangungunang krimen sa Pilipinas ayon sa mga pag-uulat. Mga nilalaman 1 Droga (Drug use) 2 Pangungurakot (Corruption) 3 Terorismo (Terrorism) 4 Pagdukot sa Biktima (Kidnap for ransom) 5 Karahasan sa mga Kababaihan (Violence against women) 6 Panggagahasa (Rape) 7 Pang-aabuso sa mga Bata (Child abuse) 8 Pagmamay-ari ng Nakamamatay na sandata (possession of firearms) 9 Ilegal na Recruiters 10 Pagpatay at Aborsyon 11 Sanggunian 12 Pagkilala 1. Droga (Drug use) Nagsimula ang suliranin sa paglaganap ng droga noong 1980’s kung saan nakilala ang marijuana. Noong huling bahagi ng dekada 80 ay lumabas ang metamphetamine na higit na mabagsik at tinaguriang narcotic problem. Kinilala ito sa katawagang shabu na ipinapasok sa bansa at pinagkakakitaan nang napakalaki

2. Pangungurakot (Corruption) Isang seryosong problema ng bansa at ang pagsugpo dito ay sinasabing siyang pinakamalaking hamon para sa gobyerno. Bilang bahagi ng pagsusumikap na patalsikin ang mga nagnanakaw sa kaban ng bayan, inilunsad ang isang espesyal na anticorruption court na kinilala sa katawagang sandiganbayan.Ang Kaso Nito ay Rep Act 1486 3. Terorismo (Terrorism) Binigyang-diin ng Pangulo ng Pilipinas ang matinding pagsusumikap ng gobyerno na sugpuin ang lumalalang kaso ng terorismo sa bansa. Higit-doble ang pagpupunyagi ng mga kapulisyahan, ang National Bureau of Investigation, ang military at mga espesyal na grupo na gaya ng Presidential Security Group at ng Aviation Security Command. Isa sa malawakang pagkilos ang inilulunsad laban sa mga pag-atake ng Abu Sayyaf. 4. Pagdukot sa Biktima (Kidnap for ransom) Isang babala hinggil sa paglalakbay ng mga banyaga patungo sa Pilipinas ang inilunsad upang bigyang-impormasyon ang mga kinauukulan na magkaroon ng kaukulang pag-iingat kung saan binigyang-diin ang bahagi ng Mindanao at Sulu Archipelago. Pinag-iingat ang mga manlalakbay at ipinaaalam ang nakaambang panganib sa kanilang sekyuridad na sanhi ng lumalaganap na terorismo sa bansa. 5. Karahasan sa mga Kababaihan (Violence against women) Partikular ang domestic violence na sumasailalim sa kategorya ng physical injury. Ayon sa Departamento ng Social Welfare and Development, mayroong bilang ng hanggang pitong kababaihan na naghahain ng kasong domestic abuse na hindi kabilang sa usapin ng panghahalay. 6. Panggagahasa (Rape) Ang krimeng sekswal na gaya nang panggagahasa o panghahalay, pagmomolestiya at kahit ang sexual harassment ay ipinapalagay na hindi lamang tungkol sa usapin ng sex. Kalimitang nagaganap ang ganitong pang-aabuso dahilan sa kawalan ng hustisya sa bansa bukod sa impluwensiya ng droga at kapangyarihan ng isang indibiduwal. 7. Pang-aabuso sa mga Bata (Child abuse) Ang matinding kahirapan ang pangunahing dahilan kung bakit ang mga kabataan ay napipilitang maghanapbuhay. Ayon sa UNICEF at pag-aaral ng ILO, mahigit sa dalawang milyong mga bata

ang nasa nakaamba sa panganib ng pagtatrabaho sa mga lugar na gaya ng minahan, at ang sexual exploitation kung saan ang mga bata ay mamagang nagiging mga sex workers. 8. Pagmamay-ari ng Nakamamatay na sandata (possession of firearms) Kabilang sa mga ito ang mga automatic rifles na nakapagpapataas ng bilang ng krimen sa bansa. Angn mga walang disiplinang private armies na pinoprotektahan ng mga local na politiko, mayayamang pamilya, at mga crime gangs na tinatayang siyang bumabali sa batas hinggil sa mga sandatang nakamamatay. Kabilang na rito ang piracy at smuggling. 9. Ilegal na Recruiters Karamihan sa mga nagiging biktima ay mga kababaihan na hinikayat ng mga recruiters na nangako ng malaking sweldo at masaganang buhay. Sa ibang kaso ay ang pakikipagkasundo upang maganap ang kasalan o ang kaso ng mail-order-bride. Higit na nakapanlulumo ang mga kababaihang ginagawang sex slaves o mga mananayaw na hubo’t hubad at ibibebanta sa mga banyaga. Kabilang na rito ang mga kabataan sa entertainment industry na laganap sa mga bansang gaya ng Europa Japan. 10. Pagpatay at Aborsyon Ang pagpatay na gaya ng aborsyon ay isang krimeng hindi lamang nagaganap sa loob ng tahanan kung hindi sa buong sosyedad. Mahigpit na binibigyang-diin sa mga manggagamot ang pag-iwas sa paggawa ng intentional abortion na bibigyan ng kaparusahang expulsion mula sa Board of Medical Examiners bukod pa sa kriminal na responsibilidad sa ilalim ng Revised Penal Code.

Sanggunian     

Manila Standard Today Country-Data Wordpress.org Travel State Rohan.sdsu